^

Banat Balita

Independent senatorial bets mag-usa

Banat

CEBU, Philippines - Mag-uban ang unom ka independenteng kandidato sa pagka-senador sa umaabot eleksiyon aron hingusgan ang ilang kampanya batok sa duha ka dagkung pundok sa politika.

Kini ang gibutyag ni Ricardo Penson, kandidato pagka-senador, kinsa nibisita sa Sugbo kagahapon aron paglusad sa iyang kampanya.

Wala pa hinuon gibutyag ni Penson kung kinsa ang laing lima niya ka kaubang kandidato nga independente ang maglangkob unya sa ilang grupo sanglit padayon pa kini karong gitrabaho sa ilang mga lider.

Matud pa ni Penson nga silang mga independente ang tinuod nga oposisyon sanglit ang anaa karon sa United Nationalists Alliance pulos naman nakatilaw sa bahandi sa gobiyerno sama sa paggasto sa Priority Development Assistance Fund (PDAF).

Usa sa hingusgan ni Penson kung mapiling senador mao ang pagwagtang sa PDAF sanglit dili trabaho sa mga magbabalaud ang pagpatuman og mga proyekto.

Hingusgan pag-ayo sa grupo ang pagpakigbatok sa dinastiya nga kadaghanan sa mga kandidato sa pagka-senador nalambigit niini. Kini ang nakapaaghat kang Penson sa pagpapili isip senador gumikan sa kapakyas sa Commission on Elections sa pagpatuman sa Batakang Balaud batok sa dinastiya.

Gipahibawo ni Penson nga daghan na sila og gipasakaan disqualification case mahitungod sa political dynasty sama sa pamilyang Duterte, Villafuerte, Gatchalian, Pineda ug uban pa.

Dinhi sa Sugbo, usa sa ilang gitan-aw nga angayan pasakaan og kaso sa umaabot nga mga adlaw mao ang pamilyang Durano sa dakbayan sa Danao.

Naglaum si Penson nga sulbaron sa Comelec ang ilang gipasakang petisyon. Dugang pa ni Penson nga sa higayun nga matangtang na ang dinastiya sa politika sa nasud, isunod niya sa pagduso ang pagpalambo sa gagmay’ng patigayun ug panginabuhi kung hatagan siya og higayun sa Senado. (BANAT NEWS)

BATAKANG BALAUD

COMELEC

DANAO

KINI

PENSON

PRIORITY DEVELOPMENT ASSISTANCE FUND

RICARDO PENSON

SUGBO

UNITED NATIONALISTS ALLIANCE

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with