CEBU, Philippines - Gatusan ka mga debotos misugat sa pag-abot sa Relics of St. Therese of Lisieux, o mas naila isip si St. Therese of the Child Jesus, nga naabot kagahapon sa Sugbo.
Si Archbishop Jose Palma miawhag sa tanan sa pagbisita ug pag-ampo ngadto sa mga relic sa nailang “greatest saint for modern times.â€
Naabot ang mga relic sa alas 7 a.m. kagahapon sa Benito Ebuen Air Base sa Mactan gikan sa Ormoc City ug adunay welcome Mass sa Air Force Chapel una pa kini gihatud sa Central Command diin usa ka Misa ang giselebrar ni Palma, ang gihimo.
“Like St. Therese, we know that ordinary as we are, simple as we are, before the Lord, we are precious inside, we are all His children, that’s why even if we have so many difficulties, life is still beautiful because we are all children of God,†matud pa ni Palma sa iyang wali.
Matud ni Palma nga si St. Therese isip usa ka santos, nagtudlo sa mga ginagmay’ng butang nga pagpakabalaan.
Samtang, ang relics mi-istar kagabii ngadto sa Central Command Chapel ug sa alas-5 karung buntaga, adunay motorcade gikan sa Central Command padulong sa Carmelites Monastery ug mohapit una kini sa St. Therese Parish dayong ngadto sa Police Regional Office-7, diin adunay Misa ngadto sa alas 6 am. Mobiya ang relics sa PRO-7 mga alas 8:30 a.m. padulong sa San Carlos Seminary College ug maabot kini sa Carmelite Monastery mga alas 10 sa buntag karung adlawa.
Si Cebu Archbishop Emeritus Ricardo “Cardinal†Vidal maoy moselebrar sa Misa sa alas 10:30 a.m. sundan kini sa veneration sa relic.
Sa mosunod nga mga adlaw adunay mga misa ug solemn procession nga himuon hangtud na sa pagbiya sa relic aron dad-on ngadto sa Bohol karong Biyernes.
Ang mga relics, mga bone fragments kini sa lawas ni St. Therese nga gibutang og special nga sudlanan, gikan pa sa Basilica ni St. Therese sa Lisieux, France. Naabot kini sa Pilipinas niadtong Disyembre 15 para sa upat ka buwan nga tour, nga naglakip sa pagbisita sa labaw sa 48 ka mga archdioceses ug dioceses sa tibuok nasud, lakip na ang Cebu. (BANAT NEWS)