Meralco balik sa finals

CEBU, Philippines — Sa ikaduhang sunod-sunod nga higayon, ang Meralco Bolts miabante na sab sa PBA Governors’ Cup finals appearance   human nila giharos ang Star   Hotshots,   91-88 sa ilang ‘best-of-five’ semifinals series sa miaging gabii didto sa Smart Araneta Coliseum.

Gidayeg ni Meralco coach Norman Black ang iyang mga batos, apan  mipahimangno nga wala pa mahuman ilang misyon, ang labing unang PBA franchise title sa Meralco sulod sa pito ka tuig.

Ang Bolts magpaabot na lang sa modaog sa semifinals match-up tali sa TNT KaTropa ug defending champion Barangay Ginebra Kings.

Ang veteran star ug bag-ong sakop sa Bolts nga si Ranidel De Ocampo   kompiyansa nga mahimo na sa iyang koponan nga masakmit ang titulo  kun magpadayon ilang nindot nga duwa nga nakita. Si De Ocampo usa sa dako’g natampo  sa kadaogan sa Bolts.

Sa iyang bahin ang reigning Best Import nga si Allen Durham madasigon nga mahimo na niya ang wala niya mabuhat sa miaging tuig ug kini mao ang paghatag og titulo sa Meralco. (BANAT NEWS)