Meralco batok Blackwater
CEBU, Philippines - Misaad si reigning PBA Governors’ Cup best import Allen Durham hatagan niya ang Meralco Bolts sa labing una niining kampiyonato.
Miingon si Durham nga gusto siya nga makabawi sa ilang kapakyasan sa miaging tuig diin napilde sila sa finals sa Barangay Ginebra Kings.
Ang 6-foot-5 nga si Durham ug Meralco mohimo sa ilang conference opener karong alas-4:15 sa hapon batok sa Blackwater Elite didto sa Araneta Coliseum.
Positibo si Durham nga makabalik sila sa finals tungod sa mga lokal sa Meralco, gani dako siya og pagsalig ngadto ni ‘Rookie of the Year’ Cliff Hodge, Jared Dillinger ug Reynel Hugnatan.
Sa ilang bahin, ang Blackwater bidahan sa ilang veteran import nga si Trevis Simpson.
Ang Blackwater moduwa nga wala ilang No. 1 rookie ug usa sa mga sinaligang scorer nga si Mac Belo nga miduwa sa Gilas Pilipinas sa William Jones Cup didto sa Taiwan.
Sa main game sa alas-7 sa gabii, ang GlobalPort Batang Pier ug Rain or Shine Elasto Painters nagtinguha nga molihi og daog sa Governors Cup 2017. (BANAT NEWS)
- Latest