Mga opisyal sa purok sa siyudad sa Mandaue gipapanumpa
CEBU, Philippines — Gipapanumpa ni Mandaue City mayor Jonas Cortes ang mga opisyal sa purok sa 13 ka mga barangay sa siyudad sa Mandaue.
Ang maong mga opisyal ang nagpakita usab sa ilang kaandam sa pagtuman sa ilang mga kaakohan sa pagserbisyo nunot sa pagpanumpa nila sa katungdanan.
Sa nasayran ang mga opisyal sa purok maoy magsilbing taytayan sa mga serbisyo nga kinahanglan nga ipadangat ngadto sa katawhan gikan sa kagamhanan.
Kini gihimo nunot usab sa tinguha ni Mayor Cortes nga kahatagan og dinaliang pagtagad ang mga gikinahanglang serbisyo sa mga molopyo sa matag purok sa mga barangay sa dakbayan.
Atol sa oath taking ceremony nga gipahigayon misaksi sila si Bise Mayor Glenn Bercede, Executive Secretary to the mayor Ernie Manatad ug pipila ka mga sakop sa konseho sa siyudad sa Mandaue. (BANAT NEWS)
- Latest
