Kusog manghasi sa silingan nakuhaan og armas
CEBU, Philippines — Gidakop ang usa ka lalaki nga gihulagway nga hasol o pirmeng manghasi sa mga silingan diha sa Barangay Biasong, Dakbayan sa Talisay human kini nakuhaan og armas.
Si Christian Sialana, 25, nga usa ka bagger sa usa ka mall nga nagpuyo sa dapit ang gisignit sa kapolisan human nakuhaan og armas diha sa ilang panimay kagahapon sa buntag.
Ang kapolisan pinangulohan ni Police Lt. Col. Randy Caballes armado sa search warrant sa kasong paghupot og di lisensyado nga armas.
Si Caballes niingon nga kadaghan na nga gireklamo si Sialana gumikan sa pagpanion og armas apil sa mga nabiktima niini iyaha rang mga paryente.
Sa pagronda sa kapolisan nakuhaan si Sialana og .45 nga pistola nga adunay bala ug .9mm nga revolver nga adunay bala.
Si Caballes nitataw nga membro sa gang kaniadto si Sialana ug nalambigit sa gang wars kaniadto.
Subayon sab nila kung ang armas wala ba kini nalambigit sa pagpamusil o bisan unsa nga krimen. Ang dinakpan gibalhug sa bilangguan.— IBM (BANATNEWS
- Latest