Pagasa: El Niño mabatyagan sugod bulan sa Hunyo
CEBU, Philippines — Gipaabot nga 80 porsiyentong posibilidad mabatyagan ang epekto sa sa El Niño sugod palang sa buwan sa Hunyo 2023 ngadto na sa 1st quarter sa 2024 sumala Pagasa-Visayas. Si Engr. Al Quiblat, hepe sa Philippine Atmospheric, Geophysical and Astronomical Services Administration (Pagasa) Visayas miingon nga karong tungatunga sa bulan sa Mayo ug unang duha ka semana sa Hunyo masinati ang ulan-ulan.
Matud niya sa mga bulan sa Hunyo, Hulyo ug Agusto hangtud na sa unang quarter sa 2024 mabantayan gyud ang kausaban sa panahon.
Sumala pa ni Quiblat sa pagkakaron anaa pa sa neutral condition nga diin dunay init nga panahon. Giawhag ni Quiblat ang katawhan nga magmonitor sa lakatw sa panahon ug dili gayud kalimtan ang pagdala ug mga kapote o payong aron panagang sa bisan pagusab usab sa panahon.
Ang kagamhanan sa Dakbayan sa Sugbo nangandam na usab alang sa El Niño.
Si Mayor Michael Rama nakigtigum na sa nagkadaiyang departamento sa city hall aron planuhon kung unsay angay buhaton tungod sa El Niño.
Si Harold Alcontin, pangulo sa City Disaster Risk Reduction Management Office (CDRRMO) nitug-an nga gipangandaman nila ang pagnihit sa tubig sa kabukiran.
Sa pagkakaron, padayon ang CDRRMO sa pagpakatap og mga impormasyon may kalabutan sa epekto sa El Niño. (BANAT NEWS)
- Latest
