TCPS mipangusog sa pagpatrolya diha sa mga bangko

CEBU, Philippines —  Nagpadayon ang bank hopping sa kapolisan sa Dakbayan sa Talisay aron paghatag og kasigurohan sa mga magpapatigayon ilabi na sa mga financial institutions sama sa mga bangko nga nagbantay kini batok sa mga dautang elemento.

Si Police Lt. Col. Randy Caballes, hepe sa kapolisan nibutyag nga matag karon ug unya mosuroy iyang mga sakop sa mga banko.

Asoy pa niya kumustahon nila ang mga gwardya sa ilang gihimo nga pagprotehir sa ilang tagsa ka establisemento.

Nagkanayon si Caballes nga naa ang ilang motorcycle cops samtang naa sab ang ilang patrol nga nagsubay sa nagkalain-laing lugar sa Talisay.

Matud pa ni Caballes nga ilang gipalig-on ang ilang police visibility aron dali makaresponde sa bisan unsa nga klase sa alarma.

Ang motorsiklo nga gigamit sa kapolisan naabot na og unom ka buok nga magsaoy-saoy sa kadalanan.

Ang tulo ka motorsiklo gikan sa kagamhanan sa Talisay, duha gikan ni kongresista Rhea Gullas ug usa sa pribadong sektor. (BANAT NEWS)