Pito nga naghubo-hubo gisita sa Talisay
CEBU, Philippines — Pito ka mga lalaki nga naghubo-hubo ang gisita sa kapolisan sa Dakbayan sa Talisay sa ilang gihimo nga Oplan Bakal Sita.
Ang operasyon gisugdan mga alas 10 sa gabie niadtong Sabado hangtud na sa alas 3 sa kaadlawon.
Si Police Lt. Col. Randy Caballes, hepe sa kapolisan nibutyag nga lakip nga ilang gi implementar ang lokal nga ordinansa sa Dakbayan.
Matud pa ni Caballes nga pito ang ilang gipailis sa ilang mga senina human nakit-an nga naglaroy-laroy sa karsada.
Naabot sab sa 35 ka indibidwal ang ilang gibadlong sa ilang pag inum-inum og ilimnong makahubog diha sa pampublikong lugar. Samtang lima sab ang ilang nadakpan nga nakalapas sa lagda sa trapiko.
Nagkanayon si Caballes nga ang programa maghatag og leksyon sa Talisaynon. (BANAT NEWS)
- Latest
