Mga motorsiklo nga na-impound sa Talisay idispatsar na
CEBU, Philippines — Ipangdispatsar na unya sa City of Talisay-Traffic Operation Development Authority (CT-TODA) ang mga motorsiklo nga na impound sud na sa pipila ka buwan.
Si Jonathan Tumulak, pangu sa CT-TODA nagpahibawo nga napupos na ang ilang gihatag nga tagal sa paglukat sa mga motorsiklo.
Busa ila na kining ipa auction aron mahawan nasab ang ilang lugar.
Asoy pa niya nga nakig alayon na siya sa taga Land Transportation Office (LTO) labot sa ilang tinguha aron mahan-ay ang mga dokumento nga kinahanglan.
Iya nasab kini nga gipaabot sa konseho sa siyudad aron mahimoan na og komitiba uban sa department heads nga maoy modumala sa auction.
Asoy pa ni Tumulak nga magamit pa gyud unta ang mga motorsiklo nga na impound apan wala na magtagad ang mga tag-iya niini.
Ang auction bukas kini sa publiko nga gustong moapil ug paningkamotan nga karong tuiga ila kining mahimo. — MEL (BANATNEWS)
- Latest
