Iconic tower gisugyot nga tukoron diha sa SRP
CEBU, Philippines — Usa ka iconic tower ang gisugyot nga tukoron diha sa South Road Properties (SRP).
gipresentar sa 5K Venture and Development Corp ngadto kang Mayor Mike Rama sa niaging gabii sa buhatan niini ang 490-meter, 155-floor tower design, nga pagatukoron diha sa SRP.
Sa tahu sa Cebu City Public Information Office, ang maong gisugyot nga tore maglakip sa usa ka 15-andana nga hotel ug usa ka tulo-ka-andana nga luxury complex sa tulo ka ektarya nga lote.
Ang proyekto ipaubos sa Private-Public Partnership (PPP) scheme, diin walay magasto niini kagamhanan sa Dakbayan sa Sugbo.
Gidesinyo ni Bong Deiparine ang maong gisugyot nga tore.
Una na nga nigawas ang taho sa niaging mga adlaw nga duna pa'y laing mga istraktura ang molugwa puhon sa nagkadaiyang bahin sa SRP.
Lakip na niini ang dako nga stadium nga masulod og 30K ka tawo ang pagatukuron diha sa SRP diin gipahigayon ang Sinulog 2023 grand ritual showdown niadtong Dominggo. Mao kini ang gisugyot sa executive committee chairman sa Sinulog 2023 nga si Phillip Zafra aron mas monindot pa ang venue alang sa Sinulog sa umaabot nga mga katuigan. (BANATNEWS)
- Latest
