CCFS: Imbes pabuto mogamit og alternatibo sa pagsaba-saba

CEBU, Philippines — Giawhag sa Cebu City Fire Station ang katawhan nga imbes mga pabuto mogamit kini og alternatibong pamaagi sa pagsaba-saba sa pagsugat sa pasko ug bag-ong tuig.

Kini aron malikayan ang firecracker-related incidents matud ni Senior Fire Officer 2 Wendell Villanueva, tigpamaba sa Cebu City Fire Station.

"For some it’s pamagi sa good luck, pero kasagaran gyud maputol ang kamot, nanga-injured, worst nagkasunog pa gyud", padayag ni Villanueva.

Matud ni Villanueva nga gilaoman nila nga sa ikaduha o ikatulong semana niining buwana ma-activate na ang firecracker selling area diha sa South Road Properties ug nakadawat na sila og application sa mga manindahay og pabuto aron makakuha og special permit ug makapamaligya.

Si Villanueva nagkanayon nga mag-deploy sila og fire truck diha sa lugar.

Nagpagawas usab ang Bureau of Fire Protection og fire safety tips subay niining holiday season. (BANATNEWS)