Mga cottage sa Cordova gipang-demolish na
CEBU, Philippines — Malinawon ang gipahigayon nga demolition sa nilabay’ng Martes sa 44 ka floating cottages ug 11 ka fixed cottages nga nahimutang diha sa kadagatan sa Barangay Poblacion ug Barangay Catarman, Lungsod Cordova
Base sa giluwatan nga executive order ni Gobernador Gwendolyn Garcia nga ang mga tag-iya sa maong mga estraktura ang gihatagan lang hangtud sa Oktubre 19, 2022 apan tungod sa hangyo ni Cordova Mayor Cesar "Didoy" Suan hinungdan nga nalugwayan pa kini og pipila ka mga adlaw. Atol sa pag-demolish sa maong mga cottage 50 ka polis ang gipakatap diha sa lugar aron mamentinar ang kahapsay ug kalinaw.
Niabag usab sa pagbantay ang mga sakop sa Philippine Coast Guard, Philippine Navy, PNP Maritime, Cordova Marine Watch ug mga personnel sa Municipal Disaster Risk Reduction and Management Office.
Ang kadagatan sa nahisgutang dapit positibo kini sa fecal coliform base sa resulta sa laboratory test nga gihimo sa Environmental Management Bureau (EMB)-7. (BANATNEWS)
- Latest
