P2.1 milyones ang danyos sa sunog nga miigo sa Talisay City
CEBU, Philippines — Nagbilin og P2.1 milyones nga danyos sa sunog nga milamoy sa usa ka bodega ug mga panimay diha sa Barangay Biasong, Dakbayan sa Talisay niadtong Domingo sa hapon.
Si FO2 Mar Dee II Auxtero sa Talisay City Fire nagkanayon nga gikan sa bodega ang sunog nga nitapon sa silingan nga panimay.
Matud pa niya nga nitumaw ang sunog 1:51 sa hapon sa compound diin nahimutang ang bodega ug tulo ka pinuy-anan sa sulod niini. Napawong ang sunog alas 2:23 na sa hapon.
Base sa pasiuna nilang imbestigasyon, electrical ang hinungdan sa maong sunog diha sa maong bodega nga gibutangan og mga makina sa sakyanan nga mitapon sa kasikbit nga tulo ka balay.— IBM (BANATNEWS)
- Latest