Kangitngit sa karsada maoy hinungdan sa aksidente sa Minglanilla
CEBU, Philippines — Ang kangitngit sa karsada maoy nakita nga hinungdan sa pagkadasmag sa usa ka multicab nga Public Utility Jeepney (PUJ) diha sa national road sa barangay Tungkop, lungsod sa Minglanilla niadtong miaging gabii.
Ang disgrasya niresulta sa pagkaangol sa lima ka pasahero ug drayber sa PUJ.
Gikatahu nga wala makabantay ang drayber sa PUJ nga si Dario Canoy, 58 anyos nga adunay nakaparada nga truck sa dapit ug kusog sab ang iyang pagpadagan hinungdan nga maayo gyud nila nga pagkapasok sa truck.
Matud pa ni Glenn Antigua, pangu sa Minglanilla Traffic Commission (MITCOM) nga walay early warning device ang truck samtang kini nakaparada hinungdan nga wala mabantayi ni Canoy. Samtang nagkanayon si Antigua nga aduna gihapoy tulobagon ang drayber sa truck tungod kay illegal parking ang iyang gibuhat.
Segun pa niya nga ilang himuon ang pagroving sa dapit aron makatabang sa pagpahibawo sa motorista nga ngitngit pa ang dalan.
Ang kagamhanan sa lungsod sa Minglanilla giingong migahin na og budget alang sa pagpalit og solar lights aron mahayagan na ang nahisgutang dapit. MEL (BANATNEWS)
- Latest