Sugbo napili na usab nga usa sa best islands in the world

CEBU, Philippines — Subling gipamatud-an sa isla sa Sugbo nga kaya niini nga makigkompetensya sa international scene sa natad sa turismo.

Ang Cebu naapil karon sa Best 50 Islands in the World sa usa ka travel news and website.

Ang Big 7 Travel nirank kini sa Sugbo nga ika-32 nga pinakanindot nga isla sa tibuok kalibotan karong tuiga kon diin kauban sa Sugbo ang ubang sikat nga destinasyon sama sa Bali Indonesia, Maldives ug uban pa.

“There are sugar-white beaches, clear emerald waters, hot springs and several jungle waters” sumala sa editorial team sa Big 7 Travel. Matud pa niini usa sa dili malimtan nga pagbisita sa Sugbo mao ang pagbiyahe padulong sa Oslob sa habagatang bahin sa isla.

“This is where you can go swimming with whale sharks! Be sure to try some TUBA, the coconut nectar wine which is best drunk fresh when it is still sweet” matud pa sa Big 7 Travel.

Ang numero uno sa listahan sa Best islands in the world sumala sa Big 7 Travel karong tuiga mao ang Mauritius. MEL (BANATNEWS)