Curfew sa mga minors gipangusgan
CEBU, Philippines — Moabot 68 ka mga menor de edad ang na rescue sa nagkalain-laing police stations sa Cebu City atol sa ikaduhang adlaw sa pagpatuman sa bag-ong ordinansa sa curfew sa mga menor de edad nga gisugdan na alas 10 sa gabii hangtud sa alas 4 sa kaadlawon niadtong Agosto 11, 2022. Matud ni Police Lieutenant Colonel Wilbert Parilla, deputy city director for administration sa Cebu City Police Office nindot kini nga kalamboan aron wala nay mga menor de edad nga mabiktima o magamit sa mga krimen. Nidoble ang mga na rescue nga kabataan human niabag na ang mga tanod ug mga
opisyales sa barangay pagimplementar sa ordinansa sa curfew. Ang bag-ong ordinansa ipadayon uban ang mga deputies nga mga Department of Social
Welfare and Development (DSWD) workers sa matag barangay para masiguro ang kaluwasan sa mga kabataan.
Matud ni Parilla ang Police Station 2 maoy kinadaghanan og na rescue kadaghanan gikan sa General Maxilom Avenue. Mga nag estambay ug ang uban diha na namuyo sa aseras. Makigtagbo si Parilla kang Bise Mayor Raymond Alvin Garcia kung unsa ang mapalabang
nga ordinansa aron dili na magbalik-balik ang mga menor de edad diha sa kadalanan sa disoras sa gabii.
Gisulod usab sa kapolisan ang tanang 24-oras nga internet cafés o mga establistamento kung adunay mga menor de edad sa sud.
Sa unang adlaw, adunay na rescue nga 34 ka mga menor de edad sugod sa alas 12 sa tungang gabii hangtod alas 5 sa kaadlawon, Agosto 10, 2022.
Ila kining gihingusgan tungod sa daghang report nga mga menor de edad ang nalambigit sa krimen ug biktima sa mga krimen.(BANAT NEWS)
- Latest