Bise mayor Garcia modagan sa taas nga posisyon sa VMLP

CEBU, Philippines —  Human napili nga presidente sa Cebu  Chapter  sa Vice Mayors’ League of the Philippines (VMLP),  nagplano karon si Cebu City Vice Mayor Raymond Garcia nga modagan pa gyud sa labing taas nga posisyon partikular na sa national level sa VMLP.

Partikular nga posisyon nga iyang daganan sa VMLP national mao ang Executive Vice President.

Sa taho sa Cebu City Public Information Office , nahimong presidente si Garcia sa  Barangay Councilors’ League of the Philippines (BCLP) Cebu City Chapter president, ug nahimong  National BCLP vice president sa dihang nag-alagad pa kini pagka-konsehal sa  barangay Kamputhaw.

Sa dihang nahimo siya nga city councilor, ,siya usab ang napili nga presidente sa  Philippine Councilors’ League (PCL) Cebu City Chapter nga gisundan sa iyang pagka- PCL Central Visayas regional chairman.

Nagplano usab karon si Garcia nga i-activate og balik ang VMLP- Cebu Chapter nga nahimutang diha sa kapitolyo

Nitambong sa piniliay sa maong liga mao ang 46 sa 53 ka mga miyembro niini ug walay niatbang kang Garcia.

Si Balamban vice Mayor Alex Francis Binghay II maoy napili nga bise presidente.

Natuboy usab nga treasurer mao si Borbon Vice Mayor Roy Melgo samtang ang bise mayor sa Minglanilla nga si Elanito Peña maoy napili nga Public Relations Officer.

Samtang i-appoint usab sa liga si Dumanjug Vice Mayor Erwin Gica alang sa posisyon nga Secretary General, samtang si Talisay City Vice Mayor Richard Francis Aznar ang palingkoron nga auditor.

Samtang ang board of directors sa  VMLP Cebu Chapter  mao sila si Virgilio Chiong – City of Naga , ug Ricci Regen Reluya – San Fernando ; William Lagahid – Dalaguete,ug Neil Tracy Plando – Alcoy, Melvin Justin Labuca – Asturias, ug Raisa Moreno – Aloguinsan  Mariano Martinez – San Remigio,ug  Mary Greleigh Cabrera – Santa Fe, Froilan Quiño – Compostela ug Erwin Yu – Tudela , Aurelio Damole – Consolacion, ug Victor Tago III – Cordova, Seventh ; Verna Magallon – Alegria, ug Paz Rozgoni – Moalboal; Celedonio Sitoy Lapu-Lapu City ug Glenn Bercede – Mandaue City. — MEL (BANATNEWS)