Lalaki nga nakuhaan og mga armas gikasohan na
CEBU, Philippines — Hingpit nang napasakaan ug kaso si Roberto Maria Herrera, kinsa nasakmitan og mga armas ingon man ginadiling drugas ug nakamugna og alarma human magpabuto og armas.
Si Herrera gialarma sa mga sakop sa special weapons and tactics SWAT niadtong Lunes human kini nagpabuto og armas diha sa Unit 20 EF, Tower 3, City Lights Garden, Brgy. Busay, Cebu City.
Suma pa ni Police Lt. Col. Maria Theresa Macatangay, ang tigpamaba sa Cebu City Police Office nga napasaka na nila ang kaso batok kang Herrera, ang alarm and scandal, RA 10591 ug Section 11, Article II of RA 9165.
Sumala pa ni Macatangay, naka pyansa ang dinakpan sa iyang alarm and scandal ug paghupot ug drugas, apan wa kini makapyansa sa iyang pagbaton ug mga high powered firearms.
Samtang wa mohatag og impormasyon si Herrera sa kapolisan kun nganong naghupot kini sa maong mga armas.
Ang mga armas nga nakuha naglakip sa duha ka 556 M4 rifles, 2 ka shotguns, 2 ka 9mm pistol caliber carbines, 1 ka Glock 19 and usa ka 1911 .45 cal pistol.— MEL (BANATNEWS)
- Latest
