DOH-7 nagpadala na og mga eksperto pagsusi sa tipos sa Barili

CEBU, Philippines — Ang Department of Health nipadala na og mga sakop ug mga gamit aron pagtabang sa pagtubag sa nagsakang ihap sa kaso sa tipos sa Lungod sa Barili.

Atol sa gipahigayon nga press conference sa DOH kagahapong adlawa adlaw nga Martes ilang gipahibalo nga nakadala na sila og 50 ka Typhoid RDT kit ug rectal swab kits aron sa pagtabang sa Barili Municipal government sa ilang tubag sa nagsaka nga kaso sa tipos sa ilang lungsod.

Si Dr. Ronald Jarvick Buscato, sa DOH-7 mitug-an nga nihatag sila og mga health care workers sa maong lungsod aron pagtabang pagsuta sa hinungdan sa pagkatap sa tipos sa maong lugar.

Nagdala sab sila og kagamitan para sa tambalanan aron sa pagtabang sa pagabot-abot sa mga pasyente sa district hospital ug infirmary sa lungsod.

Nipadala usab ug aqua tabs ang DOH-7 sa maong lungsod aron ibutang sa ilang tinubdan sa tubig nga maoy gituohang hinungdan pagkatap sa kagaw nga hinungdan sa tipos sa dili mominos sa lima ka barangay sa lungsod.— IBM (BANATNEWS)