Panaghiusa, mensahe ni Marcos atol sa Independence Day

CEBU, Philippines — Kinahanglan nga ipadayon ang panaghiusa nga nasugdan na sa milabay nga eleksyon aron mahimong gabay aron malampasan ang hagit nga gisagubang sa nasud.

Kini ang tipik sa mensahe nga giluwatan ni President Elect Ferdinand “Bongbong” Marcos Jr. atol sa pagsaulog sa Independence day kagahapong adlawa.

“Muli akong mananawagan ngayon… at palagian po akong mananawagan na ‘wag tayong bibitiw sa panimula ng pambansang pagkakaisa na ating naipadama sa isa’t-isa nitong nakalipas na pilian… pagkat hudyat po ito ng malayang kaisipan at pagpapakita ng lakas ng demokrasya na siyang sandalan ng ating paglalakbay upang umahon sa krisis na ating kinakaharap sa ngayon at kahaharapin pa sa darating na panahon. Tipik sa mensahe ni Marcos.

Sumala pa ni Marcos, sulod sa dugay nga panahon nakat-unan na sa mga Pinoy nga makigbatuk sa pag-ila ug tinguha nga makabaton ug kaugalingnan ug determinasyon sa mahimong kapalaran sa nasud ug katawhan.

Dugang niini nga daghan kaayo tang hagit nga naagian ug pipila usab kita ka higayon nga gisuwayan sa panahon ug higayon nga dala sa hulga sa pagkawatak-watak pero nagpabilin ang paghigugma sa nasud.

Gibutyag sa napili nga presidente sa nakalabay nga duha ka tuig subli na usab kita nga gisuwayan sa pandemya diin lain-lain man ang atong gihimo na mga pamaagi pero usa lang gihapon ang direksyon, ang makabangon ang nasud ug makalingkawas sa mga pagsuway ug hagit dala sa pandemya.

Si Marcos, nipadayag ning adlaw sa Kagawasan maoy iyang panawagan nga dili isalindot sa atong mga hunahuna ang bitoon ug adlaw sa watawat sama sa bag-ong ugma nga wala nay kangitngit, diin bisan unsa nga hagit ang atubangon hunahunaon kanunay ang isig katawo.

Samtang si Jaime Paglinawan sa AMA Sugbo-KMU, nitug-an nga walay tinuod nga kagawasan ubos sa pasistang rehimen sa US-China-Duterte, hinungdan nga makigbisog ug dili mahadlok.

Ang Bayan-Central Visayas ug uban sa progressive organizations nagtapok sa Fuente Osmena Circle alas kwatro sa hapon kagahapon aron kondenahon ang bakak nga kagawasan ug bakak nga demokrasya sa nasud. MEL (BANATNEWS)