Talisaynon nakapahimulos sa medical mission
CEBU, Philippines — Mga Talisaynon nakapahimulos sa gipahigayong medical mission sa Tau Gamma Phi kagahapon diha sa Talisay City College.
Ang maong medical mission gilangkuban kini sa bloodletting, sugar test, operation tuli, general consultation, personal health insurance, fitness consultation, drug awareness, dental awareness, bomb awareness, libreng tupi, manicure ug pedicure, nag apod-apod usab sila ug libreng ice cream ug tambal lakip usab ang paglingaw pinaagi sa live band.
Matud ni Celmar Maurillo, staff sa Triskelion de Visayas nga ang maong kalihokan maoy unang pinakadako nga event human sa nahitabo nga pandemic.
Ang maong kalihokan proyekto kini sa opisyales sa Cebu Provincial Council nga gipangulohan ni Police Senior Master Sergeant Ronie Nudalo, governor general sa Triskelion de Visayas, Jonas Jude Ybanes ug Triskelion Law Enforcement Group nga gipangulohan ni Police Majo Danilo Yema Jr., regional chief sa explosive ordnance disposal-7 PMAJ. DANILO R. YEMA JR., TRILEG., chairman uban sa mga nagkadaiyang ahensiya sa gobiyerno nga nipaambit sa mga nagkadaiyang serbisyo.
Mapasalamaton usab ang maong grupo sa suporta nga gipaambit ni Talisay City Mayor Gerald Anthony “Samsam” Gullas Jr..
Si Michelle Gayod, usa sa mga organizer ug nagpahan-ay sa activity nibutyag nga sobra sa gatus ka bata ang natuli, 74 ang nidonar og dugo ug gatusan usab ka tawo ang nakapahimulos sa ubang mga serbisyo. —BDB (BANAT NEWS)
- Latest