Duha kidnapper nga Chinese national nasikop
CEBU, Philippines — Duha ka Chinese national nga suspetsadong kidnapper ang nasikop sa mga sakop sa PNP AKG, Lapu-Lapu City Police Office ug Regional Intelligence Division niadtong Mayo 7, 2022 sa buntag diha sa usa ka village nga nahimtuang Barangay Mactan, Dakbayan sa Lapu-Lapu.
Ang nasikop mao sila si Xue Rong Tong ug Li Gou Min.
Ang na-rescue nga Chinese national mao si Yu, Li Hong diin diha kini sulod sa safe house sa Barangay Mactan.
Ang na-rescue nga biktima giingong gi-kidnap kini niadtong May 4, 2022 sa hapon diha sa usa ka eatery sa Sitio Soong 2, Barangay Mactan ug ang mga kidnapper nangayo ug $200,000 bugti sa kagawasan sa biktima.
Si Lieutenant Zosimo Ravanez Jr., team leader sa AKG-7 Visayas Field Unit nibutyag nga giduso na sa ilang buhatan ang maong kaso human ni-demand og ransom ang mga kidnapper.
Matud ni Ravanez nga nakigtambayong nila ang mga intelligence operative nga niresulta sa pagkasikop sa mga suspetsado ug pag-rescue sa biktima.
Gibutyagusab ni Ravanez nga sindikato ang maong grupo sa kidnapper nga maoy tuyo ang mangayo og ransom ug ilang gituohan nga aduna pa kini mga kaubanan.
Giawhag ni Ravanez ang mga nabiktima sa mga suspetsado nga mopatim-aw sa ilang buhatan aron mapasakaan pa kini og dugang mga kaso.
Ang biktima positibo nga niila sa mga suspetsado nga maoy ni-kidnap kaniya ug nikulata.
Kasong kidnapping for ransom ug serious illegal detention ug kalapasan sa Akta Republika 10591 ang gipasaka batok sa mga suspetsado niadtong May 10, 2022 diha sa Lapu-Lapu City Prosecutors Office. —BDB (BANATNEWS)
- Latest
