SWAT team sa MCPO nakadawat og mga bag-ong ekipos

CEBU, Philippines — Nakabaton og mga bag-ong ekipos ang Special Weapons and Tactics (SWAT) sa Mandaue City Police Office. Niadtong Lunes May 2, 2022 ang Mandaue City government mi-turned over sa protective equipment nga naglakip sa bomb suits, night vision goggles, ingon man ballistic helmets.

Kini subay sa tinguha sa kagamhanan sa dakbayan nga mahatagan og proteksyon ang kapolisan sa panahon sa ilang pag responde sa bisan unsa nga alarma.

Si Police Major Romeo Caacoy Jr., deputy city force commander sa city mobile force company, miingon nga ang maong mga ekipos daku kaayo og tabang aron mapalambo pa ang kapabilidad sa SWAT.

Suma pa ni Caacoy nga daku kini og ikatabang ilabi na panahon sa eleksyon ug sa higayon nga adunay mahitabong riot.

Hinoon siya miingon nga ang siyudad sa Mandaue nahimong malinawon og way natalaka nga kagubot may kalabotan sa eleksyon.

“Ang importante preparado ta, preparado ta sa atoang mga gamit,” segun ni Caacoy. —MEL (BANATNEWS)