Police assistance desk imontar sa Talisay

CEBU, Philippines — Imontar sa kapulisan sa Dakbayan sa Talisay ang police assistance desk sa mga lugar nga tapokanan sa mga tawo.

Kini aron masiguro ang kaluwasan sa Talisaynon karon nga daghan na ang mga tawo nga nanggawas sa ilang pinuy-anan human gilugakan na ang estado sa kwarantinas.

Si Police Lt. Noel Lungcob, hepe sa Bulacao Community Police Precinct nagkanayon nga ila kining gibuhat aron ang mga dautang elemento magpugngan sa ilang modus.

Sa ilang hurisdiksyon, ilang butangan og police assistance desk ang merkado sa Tabunok, mga malls ug sa simbahan.

Gawas kini sa ilang mga sakop nga kada adlaw magpatrolya sa kadalanan.

Kahinumdoman, nasikop sa kapulisan ang mga kawatan nga mamiktima og mamalitay sa merkado sa Tabunok.

Ang dako nga nakatabang niini mao ang kuha sa CCTV footage diha sa merkado. —MEL (BANATNEWS)