Face-to-face graduation hayan himoon na karong buwan sa Hunyo
CEBU, Philippines — Hayan mapahigayon na ang face-to-face graduation sa mga tunghaan diha sa dakbayan sa Mandaue karong buwan sa Hunyo.
Si Dr. Nimfa Bongo, DepEd-Mandaue Superintendent, mipadayag sa ilang plano sa pagpahigayon sa Physical End-of-School Year (EOSY) commencement rites unya sa Hunyo 27 hinoon kinahanglan pa sila mopadala og application alang niini.
Una niini ang DepEd miingon nga tugotan na nila ang physical EOSY sa mga tunghaan nga nahimutang sa mga lugar nga gipaubos na sa Alert Level 1 ug 2, subay usab sa konsultasyon sa mga LGUs ug estriktong pagtuman sa IATF protocols.
Samtang gitug-an ni Bongo nga hapsay ra ang implementasyon sa limited face-to-face classes.
Dili mominus sa 16 ka tunghaan sa siyudad ang nipatuman na sa in-person classes niadtong Lunes, March 25.
Ang maong mga tunghaan mao ang Banilad Elementary School, Basak Elementary School, Cabancalan I Elementary School, Cabancalan II Elementary School, Cesar M. Cabahug Elementary School, Don Calixto C. Yongco Elementary School, Leonard Wood Elementary School, Pagsabungan Elementary School, Tabok Elementary School, Labogon Elementary School, Banilad National High School, Cabancalan National High School, Maguikay National High School, Mandaue City School for the Arts High School, Mandaue City SPED High School, Subangdaku Technical Vocational School. —MEL (BANATNEWS)
- Latest
