Lineman nakuryentihan patay
CEBU, Philippines — Patay ang usa ka 18-anyos nga lineman human nakuryentihan diha sa Barangay Poblacion, Lungsod sa Oslob niadtong adlaw nga Domingo.
Ang nakuryentihan mao si Jericho Amodia, lumad nga taga Tabango Leyte, apan temporaryong nagpuyo sa Sto. Niño de Nonoc, Tabunok, Talisay City ug tulo pa ka bulan kining lineman.
Pag-abot sa kapulisan nagbitay pa sa ibabaw sa poste si Amodia samtang ang mga kauban niini naningkamot nga kuhaon ang lawas niini aron madala sa ubos.
Dali pa unta nga gidala sa Oslob District Hospital apan gideklarar kini nga dead on arrival.
Ang namatay giingong dunay gitrabahong wires sa dihang aksidente nakahikap og ground wire sa kuryente nga maoy naingnan sa iyang hinanali nga kamatayon.— IBM (BANATNEWS)
- Latest