Moreno, ipadayon ang build, build program ni Duterte
CEBU, Philippines — Kung mapili pagka presidente, ipadayon lang gihapon sa presidential aspirant Isko Moreno ang build build build program sa administrasyon ni Presidente Rodrigo Duterte.
Si Moreno kinsa nibisita sa Sugbo sukad niadtong Byernes ug Sabado nagkanayon nga kon unsay nasugdan sa administrasyon karon, iya ra ipadayon ug pun-an pa.
“Anomang build build build sa nakaraang administrasyon ni Pangulong Duterte kung ano man ang nandyan na, itutuloy ko na lang yan kasi unang unang nagkakaron tayo nga masamang habit na kapag nakaraang administrasyon, tinitigil, eh pera ng gobyerno, pera ng tao yan, sayang tax payers so kung ano ang nandadyan, itutuloy natin” matod ni Moreno.
Sa iyang pagbisita sa Sugbo, usa sa giadto ni Moreno mao ang 8.9 kilometro nga Cebu–Cordova Link Expressway nga nagdugtong sa Mactan island ug mainland Cebu.
Dugang ni Moreno, nga pag abot sa. Imprastraktura, kon nahimo nga makatukod sa CCLEX sa Sugbo, aduna usab posibilidad nga makahimo og proyekto nga modugtong sa Sugbo sa mga silingang probinsya niini nga moresulta sa pag usbaw pa sa Visayas ug mahimo usab nga economic center gawas sa Manila.
Sa iyang pagpangayo og suporta sa mga Sugboanon, si Moreno nisaad nga kon siya ang mapili pagka presidente, usa sa iyang himoon ang pagpalambo pa sa turismo sa probinsya.
“analyzing the effects of tourism that every tourist creates one job , and every tourist serves about 25 industry then we invest in those areas, that provides, earn more with regards of tourism” matod ni Moreno.
Si Moreno nilansar pagka presidente ubos sa Aksyon Demokratiko party. MEL (BANATNEWS)
- Latest
