Pwersa sa kapolisan diha sa sam-ang sa Mandaue kuhaon na
CEBU, Philippines — Kuhaon na sa kapolisan sa Dakbayan sa Mandaue ang ilang pwersa nga gipabantay diha sa mga sam-ang. Kini human namatikdan nga minus ra ang mga tawo nga mibisita sa mga sam-ang human gibuksan og balik niadtong Nobiyembre 3 liwas sa kalag- kalag.
Diha sa Saint Joseph Parish Roman Catholic Cemetery nga nahimutang sa Barangay Guizo Dakbayan sa Mandaue minus ra kaayo ang miduaw sa menteryo.
Sa nasayran giablihan og balik sa maong adlaw ang tanan nga mga pribadong sementeryo nga nahimutang usab sa Barangay Guizo.
Si Police Lieutenant Colonel Eloveo Marquez, spokesperson sa Mandaue City Police Office (MCPO) miingon nga ilang namatikdan nga ang labing daghang tawo nga mibisita sa mga sementeryo niadtong Oktubre 28, 2021 o katapusang adlaw sa wala nila ipatuman ang pagsirado niini.
Subay niini gipahibawo ni Marquez nga i-pull out na nila ang ilang gidestino nga composite team nga nagbantay sa mga sam-ang tungod kay minus naman ang mga tawo nga miduaw sa mga sementeryo. (BANAT NEWS)
- Latest