Pagpahigayon og caravan sa mga politiko han-ayon

CEBU, Philippines — Nagkaabot kagahapon sa buhatan sa Cebu City Emergency Operations Center (EOC) ang mga representante sa nanagan pagka-presidente nga sila si Bise Presidente Leni Robredo ug kanhi Senador Bongbong Marcos. Gipaubos sila sa coordination meeting kauban ang Cebu City

Transportation Office, Cebu City Police Office, ug EOC aron maseguro nga malinawon ug luwas ang umaabot nga mga caravan nga pagahimoon dinhi sa Siyudad sa Sugbu.

"Ang masabotan nga guidelines mao sad ang gamiton nga template para sa mga umaabot nga motorcades/caravans panahon sa election period," suma pa sa head sa EOC nga si Konsehal Joel Garganera. Gitataw sa EOC nga kinahanglan gyud ang istrikto nga pagpatuman sa protocols gumikan kay nagpabilin gihapon ang hulga sa COVID-19.

Samtang ang tigpamaba sa CCTO nga si Paul Gotiong nibutyag nga sa ilang

inisyal nga kasabotan, posibleng 20 ka mga sakyanan ang tugotan nga makasalmot sa motorkada sa mga politiko.

Tumong niini nga mamintinar ang kahapsay ug dili usab maapektohan ang dagan sa trapiko.

Hinuon duna pay laing tigom karong adlawa aron makaumol og final nga guidelines. (BANAT NEWS)