Caindec: Mokuha sa plaka sa motorsiklo walay dugang balayronon
CEBU, Philippines — Ang Land Transportation Office-7 niawhag sa mga motorcycle owner sa pag-claim sa ilang plaka diin wala kini dugang balayronon.
Ang LTO niluwat sa maong pamahayag human sila nakadawat og report nga giingong ang dealers mangayo kini og dugang bayad sa pagpagawas sa motorcycle plates.
Si Victor Emmanuel Caindec, direktor sa LTO-7 nibutyag nga ang maong reklamo naabot sa ilang buhatan apan walay nibarug nga reklamante tungod kay mahadlok.
Matud ni Caindec nga aduna sila’y memorandum of agreement sa tanang motorcycle dealers sa higayon nga mo-claim sila og plaka alang sa ilang mga customer.
Si Caindec nagkanayon nga hangtud karon wala pay dealer nga nipirma og memorandum diin posibleng wala sila’y kagustohan nga manubag.
Hangtud sa Septiyembre 27, 2021 adunay 196,098 ka motorcycle plates ang anaa sa LTO-7 diin 143,044 ang ready for pick-up na sa Temporary Offsite Plate Distribution Office diha sa SM Seaside.
Base sa datos sa New Registration Unit (NRU)-7 nga 5,661 lang ka motorcycle plates ang napagawas ug nakuha hinungdan nga ang mga tag-iya mahimong mosusi sa availability sa ilang plaka pinaagi sa MV file number, registration date, ug name of the owner ngadto sa 0947-349-9965. BDB (BANATNEWS)
- Latest
