Oplan limpyo talisay nakatabang pagsumpo sa drugas
CEBU, Philippines — Aduna nay makita nga ‘significant improvement’ kun kausaban sa natad sa kahapsay ug kalinaw sa Dakbayan sa Talisay sukad sa niaging tuig nonot sa Oplan Limpyo Talisay Campaign atol sa assessment sa kapolisan.
Ang hepe sa Talisay City Police station nga si Police Lt. Colonel Gerard Pelare nagkanayon nga miresulta na ang ilang padayon nga operasyon batok iligal nga drugas.
“Nahurot na. Our watchlist personalities nahurot na, mga first quarter of this year. Kay naa man gud mi mga nanga identify sauna nga nagduwa, they were either arrested or surrendered,” sigun ni Pelare.
Si Pelare miingon nga na obserbahan nila ang pagkunhod sa krimen ngadto sa 40 percent ug midugang nga ang kalainan sa ilang campaign sa niaging tuig ug karon mao nga apil na ang mga local government unit, stakeholders ug kumunidad sa ilang kampanya.
Kapin na sa tuig karon sa dihang si President Rodrigo Duterte mi hatag og gibug-aton sa problema sa iligal nga druga sa Talisay atol sa iyang speech sa Sinulog 2020.
Matod pa ni Pelare aduna silay upat ka strategy nga gipatuman alang sa ilang kampanya.
Kini mao ang ‘relentless arrest’, pag ‘empower’ sa mga Barangay, drug rehab ug drug-clearing operation.
Pinaagi niini,matod ni Pelare nga mas hugot karon ang kooperasyon sa Barangay sa kapolisan sa Talisay nga mao na usab ang manguna og paghatag kanila og mga impormasyon.
Bag-ong na obserbahan ni Pelare mao ang Barangay Tangke kung diin sauna ang mga katawhan baligyaan dayon og shabu,apan karon wala na kini nahitabo. MEL (BANATNEWS)
- Latest
