Nag-parking sa bike lanes gipangdakop sa CCTO
CEBU, Philippines — Gihingusgan sa Cebu City Transportation Office CCTO ang ilang operasyon batok sa magpataka og parking sa kadalanan ilabina diha sa mga bike lanes.
Si Lyntoni Alburo OIC Department Head mikuyog sa ilang operasyon paglibot sa kadalanan sa siyudad ilabi na diha sa B. Rodriguez, V. Rama, Katipunan og Tisa kagahapong adlawa sa Hulyo 14, 2021.
Mokabat sa 14 ka motorsiklo ang na-impound sa maong operasyon sa CCTO diin lakip sa mga violations kun kalapasan mao ang pag-parking sa dili ensaktong lugar ingon man way mga lisensya. Lakip sa na-impound gilangkuban sa E-Bike, ug 5 ka sakyanan ang na-clamp gumikan sa illegal parking.
Subay niini gipahimangnuan sa CCTO ang mga motorista nga likayan ang paggamit sa mga bike lanes ilabi na kun anha kini mag-parking ug kanunay usab nga magbantay sa mga traffic signs. —MEL (BANATNEWS)
- Latest