Sara posibleng modagan pagkapresidente sa 2022
CEBU, Philippines — Bukas si Davao City Mayor Sara Duterte-Carpio sa pagdagan pagkapresidente sa nasud sa umaabot nga eleksiyon sa 2022.
“Yes” mao kini ang tubag ni Carpio dihang gipangutana sa mga sakop media apan wala pa hinuon kini pinal nga desisyon.
Ang presidential daughter nibisita kang Gobernador Gwendolyn Garcia kagahapon diha sa Kapitolyo.
Matud ni Carpio nga nga “light subjects” lang an g ilang gihisgotan sa gobernador ug wala pa gyud sila maghisgot alang sa 2022.
“Wala pay discussions sa 2022 although nananghid ko ni Gov. nga magbalik dinhi sa Cebu to talk to the Cebuanos kay it is important for us, sa amoa to talk to people, a lot of people, sugot man pod si Gov.”,butyag ni Carpio. Buot usab nila nga masayran sa iyang partido nga mao ang “Hugpong ng Pagbabago” ang gusto sa mga tawo.
Pipila ka “Run Sara Sun” tarpaulins ang makita diha sa nagkadaiyang lugar sa Sugbo pag-awhag sa presidential daughter nga modagan karong umaabot nga eleksiyon.
“Magpasalamat ko sa mga supporters nako dinhi sa Cebu sa ilang trust and confidence sa akoa and that is one of the reasons nga naa mi dinhi because we want to ask pod kong unsa ba gyud ang ilang gusto”, matud ni Carpio.
Uban kang Carpio kagahapon si Davao Occidental Governor Claude Bautista ug Congressman Duke Frasco sa 5th district sa Probinsiya sa Subgo.
Sa laing bahin, si Senador Christopher Lawrence “Bong” Go subli na usab nga niklaro nga wala siya’y tinguha nga modagan pagkapresidente sa nasud.
Kini ang giluwatan nga pamahayag ni Go atol sa iyang pagbisita diha sa Barangay Pulangbato, Dakbayan sa Sugbo isip pinasidunggang dinapit sa ground breaking alang sa 850 units housing project nga gihimo sa National Housing Authority alang sa mga sakop sa Law Enforcement Agency ug anaa sa gobiyerno.
Matud ni Go nga nagpasalamat siya kang President Rodrigo Duterte ug sa ilang mga kaalyado sa pagsalig kaniya ug iyahang giklaro nga wala siya’y tinguha nga modagan pagkapresidente. Rowena D. Capistrano/BDB (BANATNEWS)
- Latest
