Rama mitambag nga ipadaplin una ang politika

CEBU, Philippines — ^{Dili puy-an og maayo ang politika ug maghiusa sa kampanya batok sa COVID-19.} 

Mao kini ang mensahe ni Acting Mayor Michael Rama atol sa iyang pagtambong kagahapon sa general assembly sa Association of Barangay Councils (ABC)-Cebu City nga gipangulohan ni Franklyn Ong.  Matud pa ni Rama nga dako gyud og natampo ang opisyales sa barangay alang sa pagsabwag sa impormasyon ilabi na sa vaccination program.

Gidugang ni Rama nga sa pagkombati sa krisis, importante kaayo ang pagtinabangay ug ipadaplin ang politika.

Usa sa nagmalampuson nga programa sa ABC-Cebu City mao ang pre-registration alang sa priorities sa pagpabakuha.

Nasayran nga nagbutang sila kaniadto og information desk ug sa nangaging pamahayag ni Ong, nitabang usab ang mga barangay sa ubang kinahanglanon sa vaccination sites sama sa computer, sound system ug uban pa. Ang barangay health workers (BHWs) usab ang katambayayong sa pagpanglista sa magpabakuna partikular na ang mga indigent ug senior citizens.

Nitabang usab ang ABC sa information drive sa kabaranggayan aron madasig ang mga tawo nga dili mahadlok sa pagbakuna. MEL (BANATNEWS)