PUPC sa Minglanilla gipanghatagan og face mask

CEBU, Philippines — Ang mga person under police custody (PUPC) sa Lungsod sa Minglanilla ang gipanghatagan og face mask. Si Police Major William Homoc, hepe sa Minglanilla Police Station ang nangunay sa paghatag niini ug nipahimangno sa mga priso sa pagsul-ob og face mask bisan og anaa sila sulod sa usa ka lugar.

Samtang si Homoc nimando usab sa iyang mga sakop nga manglimpiyo sa ilang buhatan kada adlaw.

Ang maong kalihokan subay kini sa programa ni PNP chief Guillermo Eleazar.

Dugang ni Homoc nga ang limpiyo nga lugar o palibot maghatag kini og kahapsay sa pagtrabaho sa nag-ukopar niini. BDB (BANATNEWS)