Padung mag-rally gidakop
CEBU, Philippines — Gikondenar sa militanteng pundo nga Partido Manggagawa (PM) ang pagdakop sa mga polis sa 20 ka mga raliyista nga nagtapok diha sa Plaza Independencia sa Dakbayan sa Sugbo kagahapong adlawa, atol pagsaulog sa Adlaw sa Mamumuo.
Ang tigpamaba sa PM-Cebu nga si Dennis Derige ang walo sa mga gidakop mag minero sa Carmen Copper sa Dakbayan sa Toledo samtang ang 12 mga mananagat nga taga Dakbayan sa Talisay. Gidakop sila tungod sa matud pa paglapas sa quarantine protocols.
“The government is using COVID-19 as an alibi to suppress the right to peaceful assembly of workers who are airing their demands on Labor Day,” matud pang Derige.
Hinuon ang PM ug ang Sentro ng mga Nagkakaisa at Progresibong Manggagawa (SENTRO) miabaga sa multa nga tag P500 kada usa sa maong mga gipangdakop hinungdan nga gibuhian ra sila.
Si Derige miingon nga bisan pa sa nahitabo dunay laing grupo sa mga raliyista nga mga trabahante sa Mactan Economic Zone ug ubang mga pabrika inabagan sa mga estudyante ang napahigayon og mubo nga programa diha sa Plaza Independencia.
Matud ni Derige ang maong tulo ka grupo gikatakda untang mosaulog sa Labor Day pinaagi sa pagmartsa sa kadalanan sa siyudad apan tungod sa pagdakop sa ilang mga miyembro wala kini madayon. Gihulagway ni Derige nga ang pagdakop sa ilang mga kauban nagpakita lang nga walay kaluoy ug pagbati ang kapolisan sa mga mamumuo nga karon grabeng naapektahan sa krisis sa ekonomiya nga resulta sa kapalpakan sa administrasyong the Duterte.
“COVID is being weaponized against workers who are fighting for their rights and welfare,” dugang pa ni Derige. Ang tema sa mga militanteng pundok pagsaulog sa Labor Day kagahapon mao “Tabakk ng Manggagawa Laban sa Palpak.” Nagkahulogan ang Tabakk nga: Trabaho, Ayuda, Bakuna, Karapatan at Kasarinlan nga maoy ilang tan-aw yangungo sa tanang mga mamumuo aron masulbad kining krisis sa ekonomiya dala sa Covid-19 pandemic, matud ni Rene Magtubo, PM national chair.
Apan matud niya, nanawagan sab ang mga mamumuo og ‘Palpak, Palitan.’ –IBM (BANATNEWS)
- Latest