Labella: MCWD board naghimo sa ilang trabaho, dunay mga proyekto
CEBU, Philippines — Girespeto ni Mayor Edgardo Labella ang kalabot sa pag-request ni Provincial Board Member Glen Soco og performance report sa Board sa Metro Cebu Water District (MCWD).
Nagkanayon ang mayor nga wala siyay nakitang daotan sa gisulti ni Soco.
Una niini nakadawat og feedback si Soco sa giingong hinay nga improvement sa MCWD.
Si Soco ang chairman sa Provincial Board’s committee on planning and development.
Apan sa personal nga assessment ni Mayor Labella sa MCWD Board , nakita niya nga nagtrabaho gyud ang board ug duna kini nakalinya nga mga proyekto ilabi na sa pag-establisar og dugang tinubdan sa tubig.
Dugang pa sa mayor nga nakita gyud niya ang paningkamot sa kasamtangang board alang sa kalamboan sa maong water agency.
Kun ugaling duna may mga pagkulang ang board, hatagan kini og tsansa sanglit aduna pa kini nahibilin nga mga tuig sa ilang termino.
Nabatyagan ni Labella nga mas maayo ang performance sa kasamtangan nga MCWD Board kumpara sa nangaging opisyales niini.
Ang kasamtangang MCWD Board gipangulohan ni kanhi konsehal Joey Daluz.
Gikontak sa Banat News si Daluz aron kuhaan sa iyang habig apan wala kini motubag. —MEL (BANATNEWS)
- Latest