Ikaduhang hugna sa Sugbo Negosyo Program ipahigayon sa Hulyo
CEBU, Philippines — Mahimong priority sa Kapitolyo kadtong mga ni apply sa Sugbo Negosyo program sa Probinsya sa Sugbo sa unang round niini nga gusto gihapon mo apply sa ika duhang round sa maong programa.
Si Cebu Governor Gwendolyn Garcia nagkanayon nga plano nila nga ipahigayon ang round 2 sa bulan sa Hulyo pinaagi sa laing P100 million nga igahin sa Kapitolyo.
Sa mga niapply sa unang round apan wala madawat, matod sa gobernador nga bukas gihapon sila sa pag apply.
“And in fact they will be given priority if qualified sila...tan-awon pud ilang ability to succeed” matod ni Garcia.
Sa pagkakaron padayon ang gihimong tigom sa Kapitolyo aron paghan-ay pag ayo sa guidelines sa Sugbo Negosyo program round 2. “To refine it further para aning second batch” dugang sa gobernador.
Sa nadawat sa unang round sa maong programa apan wala magmalampuson sa ilang negosyo si Garcia nagkanayon nga dili na sila madawat pa.
Ang Sugbo Negosyo program usa ka programa sa kapitolyo isip pamaagi pagbuhi balik sa ekonomiya sa Probinsya human naapektonan sa pandemya sa COVID-19.
Sa pagkakaron, matod sa gobernador, tungod kay na set na ang mga guideline ug polisiya alang sa pagbuhi balik sa ekonomiya, nag sugod na og pag invest sa mga lungsod sa Probinsya.
Gani didto sa lungsod sa Pinamungajan, si Garcia nagkanayon nga gitug-an kaniya ni Mayor Glenn Baricuatro nga adunay mga 400 nga bag-ong negosyo nga nangayo og permit sa lungsod. MEL (BANATNEWS)
- Latest
