Kapin sa dos mil ang mipa enroll sa drug rehab program sa COSAP
CEBU, Philippines — Niabot na sa 2007 ka mga indibidwal ang mipaubos og community based -drug rehab program nga naggikan sa nagkadaiyang barangay sa Siyudad sa Sugbo.
Suma pa sa hepe sa Cebu City Office of Substance Abuse Prevention (COSAP) nga si Jonah John Rodriguez nga molungtad og tulo ngadto sa unom ka buwan ang rehabilitation diin himoon ang mga session ug seminar.
Ang mga nagpa-enrol sa programa gilangkuban sa mga drug surrenderees ug persons deprived of liberty (PDL’s) nga nakahukom nga mosubay na sa tul-id nga dalan.
Pipila niini mga drug surrenderees nga nagikan sa listahan sa Philippine National Police ug Philippine Drug Enforcement Agency.
Aktibo karon ang COSAP sa ilang “home visitation” alang sa mga tawo nga nalakip sa drug watch list sa PDEA ug PNP ug gidasig kini nga mopaubos sa ilang rehab program.
Nasayran nga dunay bangiitang recovery coaches ang COSAP aron pag-abag sa mga tawong mag-usab sa ilang kinabuhi.
Kun maghisgot sa termino nga drug personalities gilangkoban kini sa tigamitan ug tigpayuhot og ginadiling drugas, kun mosanong kini sa ilang rehab program, matawag dayon kini og drug surrenderees.
Apan alang sa mga indibidwal nga nibalibad sa ilang panawagan, ang polis na ang mohimo og operasyon niini human kini ipaubos og lapad nga surveillance. MEL (BANATNEWS)
- Latest
