Politika misugod na og bukal sa Talisay

CEBU, Philippines — Bag-ong pangalan sa politika ang napagya karon nga giingon nga makigparang sa grupong Alayon.

Ang kasaligang tinubdan nitataw nga mobiya si Bise mayor Alan Bucao sa partidong Alayon ug makig-uban ni kanhi Mayor Johnny delos Reyes (JVR).

Segun sa tahu si Bucao magpapili pagkamayor samtang si JVR mao ang iyang bise mayor.

Una niini, ang grupong Alayon nagtigom uban sa mga kapitan ug sila nagkasabot nga si Mayor Gullas mobalik sa kongreso sa unang distrito samtang iyang ibilin ang Talisay ngadto sa iyang kapikas nga si Rhea.

Ang tinubdan nitataw nga si Bucao bukas rasab sa desisyon sa grupo ug siya magpabilin isip bise mayor.

Si Bucao sa iyang bahin hugtanon nga mihimakak sa maong tabi tabi ug matud pa niya nga magpabilin siya sa Alayon.

Si Mayor Gullas sab nagkanayon nga dili siya mosakay sa estorya nga madungog ilabi na nga magbuwag sila ni Bucao.

“I never listen to rumors that mag buwag mi ni vice. I’m very comfortable with him. What we have done in talisay is because of our friendship, pagkauban and panaghiusa,” matud pa ni Gullas.

Segon pa niya nga ang ilang pagkasuod magpadayon ug kun aduna man kini intriga ila kining estoryahan. (BANAT NEWS)