Kapolisan sa Minglanilla gisurpresa’g drug test

CEBU, Philippines — Usa ka kinalit nga drug test ang gihimo sa tanang sakop sa Minglanilla Police Station niadtong miaging adlaw aron masigurong drug –free ang kapolisan sa lungsod.

Si Police Major Arvin Hosmillo, pangulo sa Minglanilla Police Station nagkanayon nga parte kini sa ilang paglimpyo sa ilang organisasyon.

Nalipay lang sab siya sa nigawas nga resulta nga walay bisan usa sa iyang mga sakop nga nagpositibo sa ilegal nga drugas.

Si Hosmillo niingon nga miabot sa P150 mil pesos nga kantidad sa shabu ang ilang nasakmit sa ilang duha ka operasyon niadtong miaging adlaw.— IBM (BANATNEWS)