Insurance sa BHW sa probinsiya umentohan
CEBU, Philippines — Adunay umento sa coverage sa GSIS Group Accident Insurance sa mga barangay workers sa Probinsya sa Sugbo.
Kini aron matabangan ang mga barangay workers sa probinsya nga maoy nagsilbing frontliners sa gobyerno.
Segun sa report sa Sugbo News ang News Portal sa Probinsiya sa Sugbo nga alang sa mga barangay health workers, barangay nutrition scholars, daycare workers, barangay animal health aide ug tanod, gikan sa P50mil nga coverage sa group accident insurance, mahimo na kini P100, 000.
Bisan ang Barangay Secretary ug Treasurer gikan sa 50mil nga coverage mahimo na nga P100,000.
Apilon na usab sa insurance ang mga barangay kagawad ug kapitan, diin P150mil ang coverage sa kagawad samtang P200mil sa mga kapitan. Ang maong insurance magamit sa mga barangay workers panahon nga sila ma aksidente.
Si Cebu Governor Gwendolyn Garcia gikatakda nga mosuroy sa mga barangay sa probinsiya karong bulan sa Pebrero aron manghatag og assistance sa mga barangay workers.— MEL (BANATNEWS)
- Latest