Vendors’ nagdasok, Comelec mireklamo
CEBU, Philippines — Mga vendors sa Carbon Public Market nagdasok pagadto sa buhatan sa Comelec aron lang pagkuha og voters certificate aron sila mahatagan og ayudang pinansiyal gikan sa siyudad.
Apan sa ilang gibuhat, mireklamo ang taga Comelec tungod kay wala na matuman ang physical distancing.
“Nabalaka gyud karong panahona labi na ingon ani mao na nangayo mi og tabang sa tanang citizens unta dili lang sila magpataka og anhi mag book lang sila og appointment para ma accommodate sila diri,” hangyo ni Marisol delos Reyes, Election Assistant COMELEC Cebu City North District.
Ang voters certificate usa matud pa sa rekisitos sa siyudad aron sila hatagan og hinabang pinansiyal tungod kay apektado sila sa pandemiya.
Kung kang kinsa kini nga kamandoan nga voter registration gyud ang kuhaon gikan sa Comelec way nakatubag nga opisyal.
Si Cebu City Market Administrator Irvin Cabales kagahapong adlawa miingon nga inay sa Comelec, anha nalang sa ilang buhatan sa Market Operations Division mo-verify ang stall owners kun rehistrado ba silang botante.
Samtang ang mga ambulant vendors adto sa buhatan sa Prevention Restoration Order Beautification Enhancement (PROBE) magpa-verify.
Matud ni Cabales, ang Comelec mihatag na kaniadto sa 2019 official voters list. Ang pagpangayo og voter’s certificate sa siyudad gikinahanglan aron masigurong ang hatagan og pinansiyal nga ayuda tinud-anay nga residente ug vendor sa siyudad. —IBM (BANATNEWS)
- Latest
