Kalihokan sa ika-500 ka tuig sa kristiyanismo ilusad sa Lapu-Lapu
CEBU, Philippines — Pormal nga ilusad sa kagamhanan sa Dakbayan sa Lapu-Lapu ang mga kalihukan nga naglambigit sa ika-500 ka tuig nga kasumaran sa kristiyanismo sa nasud .
Suma pa ni Mayor Junard Ahong Chan nga karong Domingo magtagbo ang mga lokal ug nasyonal nga opisyal diha sa Liberty Shrine sa Barangay Mactan alang sa flag raising nga pagahimoon.
Nasayran sa maong adlaw magsugod ang 100 days countdown alang sa ika-500 nga kasaulogan sa kadaugan sa Mactan.
"So, duna tay himoon ana nga short nga program. We have invited guests, Naa tay flag raising nga pagahimoon at late afternoon," segun ni Chan.
Sa nasayan gideklarar sa National Historical Commission of the Philippines (NHPC) nga diha sa Liberty Shrine sa Barangay Mactan permanente nga ipakayab ang nasudnong bandila isip kabahin sa umaabot nga kasaulogan sa 500 ka tuig nga kasumaran sa Kadaugan sa Mactan nga pagahimoon karong Abril 27, 2021. Samtag sa laing bahin, ang Rotary Club of Metro Cebu ug Commission on Youth uban ang Person With Disability Ability Ministry milusad sa Gifted to Hear Project nonot usab sa kasaulogan sa 500 years sa kristiyanismo sa Pilipinas.
Ang grupo nilusad og kalikuhan aron makatigum og pundo nga ipalit og hearing aid ug assistive device alang sa 500 ka beneficiaries. —Rowena D. Capistrano/MEL (BANATNEWS)
- Latest
