Bandila sa Pilipinas permanenteng ipakayab sa Liberty Shrine
CEBU, Philippines — Sugod karong Enero 17, 2021 makita na 24 oras ang pagkayab sa bandila sa Pilipinas diha sa Liberty Shrine sa Barangay Mactan sa Dakbayan sa Lapu-Lapu.
Kini matigayon human sa gipalabang nga board resolution sa buhatan sa National Historical Commission of the Philippines (NHCP) nga napirmahan niadtong Disyembre 16, 2020.
Ubos sa Republic Act (R.A.) no. 8491 o ang giila nga Flag and Heraldic Code of the Philippines in 1998, ang NHCP dunay mandato nga maoy moila sa mga lugar diin adto ipakayab ang bandila sa nasud.
Ang bandila sa Pilipinas permanente nga ipakayab ug pagasug-an kini matag gabii.
Ang NHCP miila usab sa kadaugan sa mga bayani kinsa nakigbatok sa gitawag og Battle of Mactan nga maoy giila nga common heritage ug garbo sa mga Filipino.
Sa nasayran ang ubang mga lugar sa nasud diin makita 24 oras ang pagkayab sa nasudnong bandila mao ang Emilio Aguinaldo Shrine sa Kawit, Cavite; Rizal National Monument sa Manila; Bonifacio National Monument sa Caloocan City; Sta. Barbara Public Plaza sa Iloilo; ingon man sa Barasoain Church sa Malolos Bulacan. – MEL (BANATNEWS)
- Latest
