PUJ drivers sa south nalipay
CEBU, Philippines — Gidagsa sa mga Public Utility Jeepney (PUJ) ang hawanan sa Talisay City Hall aron sila ma inspeksyon ug makabalik na sa pagpamasahero kagahapon sa buntag.
Ang one stop shop gihimo isip tubag sa hangyo ni mayor Gerald Anthony “Samsam” Gullas Jr. ug ni Jonathan Tumulak, traffic czar sa siyudad ngadto sa Land Transportation Franchising and Regulatory Board (LTFRB) nga makabalik na sa pagpamasahero ang mga PUJ nga taud-taod nang nawagtangan og panginabuhian.
Ang Land Transportation Office (LTO) ug LTFRB nipahigayon sa inspeksyon sa mga dokumento ug unit sa PUJ kung angay ba kini mahatagan og special permit.
Sa pagbuhat ning balita, 21 ka PUJ ang na inspeksyon apan 13 ang wala makapasar samtang lima lang ang pasado. Bisan paman sa sitwasyon gikalipay sa mga operators ug drayber nga makabiyahe na pagbalik.
Hinuon kadtong wala makapasar kinahanglang adunay mga pang-usbon sa ilanh unit aron makabiyahe. Si Tumulak miingon nga sa dili pa makabiyahe ipaubos una sa swab test and mga drayber.
Dili lang Talisaynon nga operator ug drayber ang nakapahimulos sa maong kalihukan kundi lakip na dinhi ang nagpuyo sa laing lugar.
Ang jeepney operator nga si Daniel Alfante, residente sa Barangay Lutac, siyudad sa Naga nagpasalamat nga makabiyahe na sila og balik.
Ang Administrative Aide sa LTO-7 Rommel Adrian Secuya miingon nga gisusi nila og maayo kung roadworthy o di ba kagang-kagang ang mga sakyanan.— Decemay P. Padilla/IBM (BANATNEWS)
- Latest
