COVID-19 update: 14 bag-ong kaso natala sa Cebu City
CEBU, Philippines — Anaa na lang 888 ang active cases sa coronavirus disease (COVID-19) sa Central Visayas niubos kini gikan sa kapin 900 ka active cases sa niaging mga adlaw.
Ang 57 ka bag-ong kaso natala Oktubre 28, 2020 nga datus sa DOH-7 diin 14 niini ang sa Cebu City, tagsa sa Lapu-Lapu ug Mandaue, 10 sa Bohol, 25 sa Probinsya sa Sugbo ug unom sa Negros Oriental.
Ang recoveries usab nadugangan og 41 hinungdan nga anaa sa 20, 031 ang kinatibuk-ang naayo.
Ang Cebu City duna nay 10,247 ka total cases apan 179 lang niini ang active cases. Siyam sab ang nadugang sa mga nangaayo ug sa pagkakaron duna nay 9,390 recoveries ug 678 ang nakalas.
Ang Mandaue ug Lapu-Lapu City pareho nga nakatala og tag usa ka bag-ong kaso. Ang Mandaue City dunay 2,552 total case sa COVID-19 diin 72 niini ang active samtang ang Lapu-Lapu naa sa 2,458 ang total cases ug 124 ang active cases.
Nakatala sab og lima ka dugang recoveries ang Mandaue, sa pagkakaron duna na sila’y 2,320 recoveries ug ang Lapu-Lapu naa sa 2,231 recoveries.
Nagpabilin usab sa 160 ug 103 ang deaths sa Mandaue City ug Lapu-Lapu City. Sa datos sa DOH-7 ang Central Visayas dunay 22,256 total cases sa COVID-19 diin 888 ang active cases, 20,031 ang recoveries ug 1,337 ang deaths. —Le Physllis Antojado/IBM (BANATNEWS)
- Latest
