8 ka durugista sikop sa managlahing operasyon
CEBU, Philippines — Pito ka durugista ang nadakpan sa operasyon sa Dakbayan sa Talisay sud sa milabay nga duha ka adlaw.
Si Police Major Gerard Ace Pelare, pangu sa Talisay City Police Station nibutyag nga gihimo nila ang Oplan Limpyo Talisay bisan paman nga naa gihapon sa panahon sa pandemya.
Ang ilang upat ka operasyon gihimo sa Barangay San Roque diin nadakpan sila si Edsil Padinas Absin, Katherne Alicaya Abrio, Esteban Tradio Celocia, Glenn Boiser Abella, Jolie Panares Manolo, Nikki Acuna Abadiano and Annie Lopez Alvarez.
Nakuha gikan sa mga dinakpan ang 11.2 gramos nga shabu nga gibana-bana mokantidad og P 76,160.00
“We are committed to arrest the drug personalities in the City of Talisay, we may be faced with an insurmountable challenges now but we will make sure that you will be arrested,” matud pa ni Pelare.
Samtang nasikop usab sa kapolisan sa Lungsod sa Dumanjug ang usa ka 26anyos nga lalaki diha sa Barangay Tapon, sa nahisgutang lungsod niadtong Sabado.
Ang nasikop nga si Jessie Boy Villar, ulitawo, construction worker ug lumad nga taga Purok 7, Barangay Talisay, Loon Bohol naaktohan nga namaligya ug illegal nga drugas sa maong lugar.
Nasakmit sa dinakpan ang mga pinutos sa ginadili nga drugas nga motimbang ug 0.12gramos nga mobalor ug 816 pesos ug buy bust money. Ang dinakpan gipaabot nga pasakaan ug tukmang kaso nga kalapasan sa R.A 9165.
COSAP mihugot sa kampanya batok drugas
Samtang gihingusgan karon sa Cebu City Office of Substance Abuse Prevention (COSAP) ang ilang kampanya pagpakigbatok sa ginadiling drugas.
Lakip sa ilang plano mao ang paghimo ug mga anti-drug seminar o mga forum karon nga giluagan na ang quarantive level sa Dakbayan sa Sugbo.
Gipalapdan usab sa COSAP ang ilang community base drug rehabilitation program (CBDRP) sa 80 ka barangays.
Suma pa sa hepe sa COSAP nga si Jonah John Rodriguez nga importante kaayo ang CBDRP sanglit usa kini sa pamaagi nga magiyahan ang katawhan aron dili masaag sa dautan nga dalan. Ang COSAP usab ang niatiman karon sa mga rehab session alang sa mga persons deprived of liberty (PDLs). Rowena D. Capistrano/Sanden Anadia/MEL (BANATNEWS)
- Latest
