Cebu City nakatala og dugang walo ka kaso
CEBU, Philippines — Anaa na lang sa 1, 188 ang active cases sa coronavirus disease (COVID-19) bisan pa man nga 46 ang nadugang nga kaso sa Central Visayas base sa Oktubre 6, 2020 nga datus sa Department of Health (DOH-7).
Nianang adlawa 95 ang natalang naka-recover sa Covid-19 ug 54 sa mga naka recover gikan sa Lapu-Lapu samtang 36 usab ang sa Probinsya sa Sugbo ug lima sa Mandaue. Ang total recoveries anaa sa 18, 753.
Sa mga bag-ong kaso sa Covid-19 walo niini ang sa Cebu City, tagduha ang Lapu-Lapu ug Mandaue,usa sa Bohol ug 33 sa Probinsya sa Sugbo.
Sulod sa tulo ka adlaw, namentinar sa Cebu City, Mandaue City ug Lapu-Lapu City ang single-digit nga gidaghanon sa mga bag-ong kaso sa Covid-19.
Niadtong Domingo ang Cebu, Mandaue ug Lapu-Lapu City nitala og pito, siyam ug upat ka la bag-ong kaso samtang niadtong Lunes pito ka dugang kaso sa Cebu City, tagsa sa Mandaue ug Lapu-Lapu.
Base sa data sa DOH-7 ang total cases sa Cebu City naa sa 10,044 diin 356 ang active cases. Ang total recoveries naa sa 9,013 ug nagpabilin sab sa 675 ang total deaths.
Ang Mandaue City sab dunay 2,478 total cases sa COVID-19 ug 102 niini ang active cases. Lima ang additional recoveries diin sa kinatibuk-an ang siyudad dunay 2,233 recoveries ug naa lang gihapon sa 143 ang deaths.
Samtang ang Lapu-Lapu City dunay 2,388 total cases sa COVID-19 diin 92 ang active cases. Mitala sab ang siyudad og upat ka additional recoveries mao ang siyudad dunay 2,194 total recoveries ug ang deaths naa sa 102.
Base sa datos sad DOH-7 ang Central Visayas dunay 21,234 total number sa kaso sa COVID-19 diin 1,188 niini active cases, 18,753 ang total recoveries ug 1,293 ang deaths. —Decemay P. Padilla/IBM (BANATNEWS)
- Latest
